देवर्षि गौतम कल्याण कोष

संस्था जिवित रही लोक कल्याणकारी कार्य गर्न तथा संस्थाद्वारा प्रकाशित पुस्तावलीको वेबसाइट मार्फत अद्यावधिक गर्ने काम समेतको लागि नियमित रकमको आवश्यक हुने भएकोले देवर्षि गौतम परिवार कल्याण कोष नामको एक कोष स्थापना गरिएकोछ ।

कोषमा देहायका रकमहरु जम्मा हुनेछन् :-
(क) संस्थाको आजिवन सदस्यता वितरणबाट सदस्यता शुल्कबाट प्राप्त रकम,
(ख) संस्था वा व्यक्तिले स्वेच्छाले कोषमा जम्मा गर्न गरेको सहयोग रकम,
(ग) कोषको रकमबाट बैङ्कको ब्याजबाट प्राप्त रकमको २५% रकम,
(घ) विभिन्न संघ, संस्था वा व्यक्तिबाट प्राप्त रकम,
(ङ) अन्य कुनै श्रोतबाट प्राप्त रकम ।

कोषको ब्याजबाट प्राप्त रकम देहायको कामको लागि उपयोग गरिनेछ :-
(क) संस्थाको नवीकरण गर्न,
(क) संस्थाको वेबसाइट सञ्चालन तथा पुस्तावली अद्यावधिक गर्न,
(ग) संस्थाबाट स्थापित पुरस्कार, प्रोत्साहन तथा छात्रवृत्ति वितरण गर्न,
(घ) समितिबाट निर्णय गरिएका लोककल्याणकारी कार्य गर्न,
(ङ) परिवारका सदस्यहरुको हक हित सम्बन्धमा समितिले तोके बमोजिमको अन्य काम गर्न वा गराउन ।